ჩვენ გვჯერა, რომ კომპანიის როლი საზოგადოებაში არის ისეთი პროდუქტებისა და სერვისების შექმნა, რომლებიც აუმჯობესებს ადამიანების ყოველდღიურ ცხოვრებას.

საექსპორტო პოტენციალის ზრდა

ყულევის ნავთობგადამამუშავებელი ქარხნის მთავარი ძლიერი მხარეა საქართველოს გეოგრაფიული მდებარეობა - სიახლოვე ნედლეულისა და გასაღების ბაზრებთან, ქარხნის გეოგრაფიული მდებარეობა - შავი ზღვის სანაპირო, სიახლოვე მთავარ სატრანსპორტო კვანძებთან - ყულევის ტერმინალი - 2 კილომეტრი, რომელსაც შეუძლია მიიღოს და დატვირთოს როგორც სარკინიგზო, ასევე საზღვაო ტრანსპორტი. ასევე მნიშვნელოვანია სარეზერვო ვარიანტების არსებობა, რომელთა გამოყენებაც შესაძლებელია საგანგებო სიტუაციის შემთხვევაში - ფოთის პორტი - 30 კილომეტრი, სუფსის ნავთობტერმინალი (ბაქო-სუფსის ნავთობსადენის ბოლო წერტილი) 55 კილომეტრი, ბათუმის პორტი - 100 კილომეტრი.

ნედლი ნავთობის მისაღებად - კომპანიას ესაჭიროება მაქსიმუმ 3-4 დღე რკინიგზით ბაქოდან და მაქსიმუმ 2 დღე ზღვით CPC-ის საზღვაო ტერმინალიდან.

გაყიდული პროდუქციის მიწოდება ძირითად საექსპორტო ბაზრებზე (საზღვაო ტრანსპორტით): თურქეთი, რუმინეთი (ნაფტა) – 1-2 დღე; ხმელთაშუა ზღვის რეგიონის ქვეყნები (ნაფტა, დიზელი) - საბერძნეთი - 4-5 დღე, იტალია - 5-6 დღე, ესპანეთი - 8-9 დღე და საფრანგეთი ატლანტის ოკეანის მხრიდან - 12-14 დღე; აშშ (მაზუთი) - მაქსიმუმ 20-21 დღე.